دراسة جدوى لمشروع تربية السمان 3000جنيه هتكسب من 1000 الى 2000جنيه شهريا اهم دراسة جدوى لمشروع تربية السمان لعام 2020 هتكسب ياعنى هتكسب
نتوكل على الله وعمنا صبرى جاى مخصوص النهاردا علشان هوا يربى سمان ولا يبطل ويكبر دماغة من الموضوع دا نبدا على بركة الله ونقول بسم الله الرحمن الرحيم وندخل فى الموضوع على طووول
مقدمة عن دراسة جدوى مشروع تربية السمان من ارض الواقع 2020
ازاى يابو العريف 3000 تجيب 1000 او 2000 فى الشهر مكنش حد غلب المخدرات نفسها متجبش كدا ابدا برضهانتا تانى ياعم صبرى دنتا اسمك جاى من الصبر اصبر ياخال ومش هتاخد على خطرك غير كل طيب
اتكلم يابو العريف بس مش عاوزك تاخد فى رجليك ناااس كتير لان فى نااااس كتير
هتصدق كلامك وهتشتغل انا عارف ياعم صبرى هيقتنع وباذن الله هيشتغل وهياكل عيش باذن الله ومش هوا واحده كلنا هناكل عيش باذن الله.
تابع ايضا اخر دراسة جدوى لمشروع تربية السمان 2020 من هنا
دراسة جدوى مشروع تربية السمان 2020 دراسة جدوى مشروع تربية السمان حقيقيه من ارض الواقع لعام 2020اهم نقاط دراسة الجدوى لمشروع تربية السمان
1- هنجيب باذن الله 500 كتكوت ياعنى 250 جوز سمان تمام بكام دووول اعلى بيع للكتكوت 2ج طيب يبقا 500 فى 2 بكام 1000 جنية
2- يبقا ثمن الكتكوت 1000 ج تمام التمام هياكل الواحد 400 جرام علف بس احنا هنزود شويه هنخليهم 500 جرام علف للكتكوت يبقا 500 كتكوت هياكلو كام علف
500 كتكوت فى نص كيلو علف = 250 كيلو علف
3- بكام 250 كيلو علف 23% الشكارة 370ج وفى اقل يبقا 370 فى 5=1850ج
4- بكدا احنا صرفنا 1000ج ثمن كتكوت + 1850 علف +150ج دواء كوكسديا
اهم موضوع فى علاج الكوكسديد من هنا بعنوان
علاج الكوكسيديا 1000 طائر سمان ب5ج تابع باقى الموضوع
ونص شكارة نشارة المهم بالباقى دواء كوكسديا ونشارة بكدا الاجمالى 3000ج
5- بكدا اجمالى المصروفات 3000ج
6- المفروض النافق معاك مع 500 لا يزيد عن 25 الى 30 كتكوت لا احنا هنخربها خالص
وانا راجل لسا بتعلم وهيموت منى 50 كتكوت ودا طبعا لا يحدث
فى الواقع لكن هنفترض انه حصل ومات 50 الباقى معانا 450
كتكوتي
ياعنى 225 جوز هنخليهم 220جوز بس وهيموت 10 فرد يبقا اجمالى المتبقى 220جوز تمام
كتكوت صح +علف صح +اهتمام من اكل وشرب لا تجعل العلف ولا المياه تخلص من قدامهم ابدا المفروض 25 يوم توصل لوزن من 200 جرام وانتا طالع للفرد
7- بس احنا خيبة ولسا مبتدائين وصل معاى الوزن دا عند شهر بياكل نفس الكمية من العلف نص كيلو تمام
تابع من هنا موضوع كامل وشامل عن
برنامج كامل وشامل لتربية السمان البياض بابسط الطرق
8- يبقا فى 30 يوم باذن الله اصبح معاى باذن الله 220جوز مات منهم 30 جوز
هفترض هبيعهم لتاجر التاجر عندنا بياخد الجوز ب20 ج وبياخد ب20جوز بيخلص وبياخد تانى
وغيره بياخد ب30 وب50 انتا ونصيبك لو بعناهم على 220 جوز فى 20 بكام 4400 -3000 =1400ج
مكسب ياعم فى ناااس بتاخده ب19 و18 كتاجر انتا حر بس ال200و220 جرام مبيقلش عن 20
9- هنبيع زى عم صبرى الخيبان ب19فى 220 جوز =4180
ياخال قلتلك التاجر بياخد عندنا بحرى ب18 يبقا انتا تم الضحك عليك ولامؤخذاه التاجر بيقرطسك بس هاخدك على قد عقلك وهنحسب على 18 فى 220=3960
ياعنى برضه كسبان 960 جنية مش قليلة فى طائر ليه ميزات راجع بوست لماذا اختار رب العزة هذا الطائر لبنى اسرائيل طائر ربحك فيه شبه مضمون بنسب تتعدى 90%
10- طيب متعمل زى محنا كنا بنعمل وبنعمل ولسا مستمريين برضه مبيع شويه لتاجر وابيع شويه للجيران هتشترى منك 25ج للجوز مش هتموت سعره
جرب وهتلاقى بلدك كلها هتاكله وهتلاقى عندك زبون دايم هيستناك كل دورة وهجيب زباين تانى
بكلمك بجد من ارض الواقع فعلا ومش بغرقك احنا دخلنا المشروع زيك كدا بالظبط ومخفناش
وقلنا لو خسرنا خسارة قليلة ولا تقارن بخسارة الفراخ الفادحة ابداااا ولو كسبت هيبقا ليا مصدر رزق جانبى شبه مضمون يعنى على مصائب وبلاوى الحياة
11-ياخال معملتش حساب عامل شغال وكهرباء ومياه ياخال انتا العامل والكهرباء والمياه مش هيصرفوا معاك حاجه دى اوضه عندك مش ماجر مزرعة ولا حاجه
العامل استاذنا يقدر يشغل مزرعه فيها 3000 جوز لوحده واكثر من كدا ومهيبقاش تعبان زى الفراخ خالص
طيب لو بعت 25 للجوز انتا مش هتبيع كل الى معاك للجيران او لاهل القرية هتبيع كدا وكدا الى تلقيه هتبعله هيكون متوسط الجوز معاك فى الاخر 22ج فى 220=4840 -3000 تكلفه =1840 قرابه 2000ج
احنا دايما بنرمى فلوس من كل حسبه المرة دى هنرمى برضه علشان الناس الى بتكدبنا وخلاص معاى 1840 ربح صافى
هنرمى 840 فى زباله وهيبقا معانا 1000 ج صافى ربح فى شغل يوميا مش هياخد منك ازيد من ربع ساعه فى النهار وزيها بالليل طبعا احنا كل حسابتنا على 500 فرد سمان 250 جوز سمان
نصحتى ليك ابدا وممتتردش ومش هتخسر كتير باذن الله هتكسب اعمل زى محنا عملنا
وهتكبر شويه فى شويه وربنا هيزيدك من نعيمه وممكن تستقيل من العمل المربوط فيه زى لمواخذه التور الى بيدور فى ساقيه
وتتفرغ لتربيه هذا الطائر الى مستهتر بيه دلوقتى هتعرف بيه لما تدخل المجال وتشوف فعلا زى مقال رب العزة اتسبدلون الذى هوا خير سماه ربنا بالخير
باذن الله يكون فاتحة خير لينا وليكم
اتمنا اكون وفقت باذن الله فى طرح الموضوع بكل سهوله وبساطة علشان الموضوع يبقا سهل على كل الناس وتبدا وتشتغل زى كل مرة قدمت لك معلومة مجانيه
الى عاوزه منك الموضوع يلف كل النت خده اعمله مشاركه عندك على موقعك فى اى موقع تانية خلى اصحابك حبايبك يقرواه مش هتخسر حاجه
ا خليك اجابى معاى وبلاش سلبية تاخد معلومة ببلاش لا ادى كل حق حقه وفى الاخر الموضوع كله برضه هيعود عليك بالنفع تانى
دومتم وفى رعايه الله مع تحيات ادارة موقع اورجانيك الصعيد وصفحة سمان الصعيد
الله يبارك فيك اخي الكريم
ردحذفولكن عندنا بالاسكندريه الأسعار بسيطه خالص وده بسبب ناس محافظه كفر الشيخ أصحاب مزارع سمان كبيره جدا بينزلو بأسعار مخفضة ويبوظو السوق خالص الله يسامحهم
شكرا على تعليقك ولكن اغلب الكلام موجه للصعيد اخى الكريم وذلك لقلة وجود السمان فيه
حذف