فقس البيض فى السمان بشرح مبسط باذن الله

فيديو

فيسبوك

فقس البيض فى السمان بشرح مبسط باذن الله

حل مشاكل فقس البيض فى السمان بشرح مبسط باذن الله


باذن الله هنتكلم دايما على كل مايهم اعضاء صفحتنا ومش هنقول اى كلام وخلاص احنا بنقل تجربتنا فقط لاغير والى حابب يطبقها باذن الله  هيحصل على نفس النتجة الخاصة بنا باذن الله بس يوفر كل الشروط الزمه باذن اللهنبدا على بركة الله
https://www.organicupperegypt.com/2019/07/Hatchtheeggs-thequail.html

1- اهم شىء اولا ودا الى هيترتب عليه باقى النتائج باذن الله مصدر البيض لازم يتوفر فيه المصداقية فى النسبة الخاصة بيه فى الاخصاب معلهش ومحدش يزعل من كلامى دى صعبة شوية فى الحصول على المصداقية 

✊✊✊✊✊✊✊✊✊✊✊✊✊✊✊✊✊✊✊

2- زى مقلنا قبل كدا احنا بنعرض تجاربنا الشخصية فقط لاغير شوف اخى الكريم لو خليت نسبة الزكور 1 الى 3 اناث هينتج عندك باذن الله نسبة فقس من 60 الى 70 % فى الابيض والاسمر انا عن نفسى عند مشتريت بيض فى اول مرة وتانى مرة نسبة الفقس عندى فى البيض مزادتش عن 50 % اكلم الراجل الى جبت منه يقلى نسبة صحيحة ومظبوطة طبعا هوا عاوز يبيع وخلاص  وانا صدقت كلامه لحد مفقست بيض عندى لقيت النسبة من 60 الى 70% طيب الخلل فين 

✊✊✊✊✊✊✊✊✊✊✊✊✊✊✊✊✊✊✊

3- الخلل فين فى موضوع النسب شوف اخى الكريم اولا اقصى مدة فى التخزين صيفا متزدش عن 4 ايام وكل متقل كل نسبة الخصوبة هتعلى معاك وهتزيد نسبة فقس البيض وفى الشتاء 5 ايام  الخطوة دى اعتقد سهل تنفيذها باذن الله

4- رابعا شوف ياسيدى هتغسل الفقاسة الخاصة بيك باى طريقة تعجبك بمية وصابون بكلور بيود الى يريحك كل شغال معانا  بعد كدا هدخل البيض فى  الادراج بتاعت الفقاسة 

✊✊✊✊✊✊✊✊✊✊✊✊✊✊✊✊✊✊✊

5- هديك معلومة مهمة جدااااا ودى حيارينا فى البداية ولكن رب العزة هدانا ليها ايه هيا نفترض الفقاسة بتاعتى دفعة واحدة فقط ودى اغلب الفقاسات الى معانا  والبيض عندى قليل مثلا 100 او 200 بيضة فى اليوم على كلام حضرتك فى الصيف 4 ايام يبقا مثلا 400 بيضه طيب وبكدا مفيش قدامى غير انتظر 17 يوم للفقس طيب وباقى البيض هعمل ايه فيه ومعنديش حديشتريه هقلك على حل بس عاوزك تدعيلى لوجه الله  دعوة تكون من قلبك بالتوفيق والنجاح فى كل امورنا باذن الله

✊✊✊✊✊✊✊✊✊✊✊✊✊✊✊✊✊✊✊

6- حضرتك دخلت بيض 4 ايام 400 وهتشتغل تقليب يدوى 4 او 5 مرات فى اليوم فقط لاغير هتخلى ال400 تقريبا طبقين ونص هتخلى كل الطبقين فى اول رف من تحت وجنبه  باقى اطباقك تمام كدا وبعد 4 ايام اخرى هدخل برضه طبقين ونص بنفس الطريقه الاولى وبعد كدا 4 ايام تانية هتخلى اطباقك فوق بعض ياعنى كل طبقين فوق بعضهما مش منفردين علشان توفر فى المساحة كل شخص طبعا على حسب مساحة فقاسته وعدد البيض الى ممكن تشيله يظبط اموره عند فقس الدفعه الاولى هتنزل على ارضية الفقاسة متقلقش ومفيش اى مشاكل ومش هيكون فى اى خلل لا فى النسب ولا فى الاعداد وبكدا حولت فقاستك الى فقاسة وهاتش بابسط الطرق وهتشيل معاك كميات رهيبة وهتطلع كل 4ايام دفعة مش كل 15 يوم 
لو حسيت  انك استفدت ادعيلى 

✊✊✊✊✊✊✊✊✊✊✊✊✊✊✊✊✊✊✊

7-طيب لو خليت نسبة الذكور 1 والاناث 2 فى ناس بقلك هتخسر طبعا هتكسب  مش هتخسر لان النسبة لواتبعت الشروط السابقه هتدى معاك من 75 الى 85 % سواء ابيض او اسمر الكلام دا عن تجربه باذن الله ملناش صالح بكلام اى حد 

✊✊✊✊✊✊✊✊✊✊✊✊✊✊✊✊✊✊✊

8- طيب هديك من جراب الحاوى وصفة سحريه لرفع الخصوبة فى البيض هتعمل ايه ياعمنا وصفة ساهلة جدااا هتحط 50 جرام كركم و50 جرام فلفل اسمر مطحون لكل شكارة علف الى بتقدمها للبياض وشوف نسبة الخصوبة هترفع عندك فى البيض ولا لا ويبقا ادعيلى بظهر الغيب 

✊✊✊✊✊✊✊✊✊✊✊✊✊✊✊✊✊✊✊

9- اى خلل فى الرطوبة عندك هتتقلل نسبة الفقس عندك والحرارة برضه القيم الى شغالين بيها فى مرحلة الفقس 37 حرارة ورطوبة 65% وفى مرحلة التفريخ 37.5 والرطوبة 55% اى خلل فى النسب طبعا هياثر على عدد الفقس 
طيب فى الصعيد عندنا الجو جاف ومن الصعب رفع نسبة الرطوبة هقلك تعمل ايه ومتنساش تصلى على النبى وبعدها تدعيلى وتدعى لامة المسلمين بالنجاح والفلاح 
هترش ميه على البيض فى مرحلة  الفقس 3 ايام الميه هترفع معاك الرطوبة الى 65% وهتظبط الحرارة لان الحرارة فى النهار عندنا ممكن تعلى غصب عنك وعن الفقاسة 

✊✊✊✊✊✊✊✊✊✊✊✊✊✊✊✊✊✊✊
✊✊✊✊✊✊✊✊✊✊✊✊✊✊✊✊✊✊✊

اتمنا اكون وفيت بوعدى فى الحديث عن الفقس واتمنا يكون مرجع ليا ولغيرى 
فاذا كان فى زلال او نقص فى كتابتى فمن الشيطان والتوفيق دائما من الرحمن اى استفسار او ارئاء او اقتراح او تعديل فى المقال تحت امركم  عاوز من حضراتكم تفاعل مع المنشور من ردود واعجاب واراء واقتراحات اسفل البوست علشان البوست ينتشر كالنار فى الهشيم ويكون معانا احباب جدد عاوزين يدخلوا المجال والدنيا مش واضحة امامهم ويتم التفاعل مع الجميع باذن ونقدر نجمع اكبر عدد ممكن من المربين والتجار وبعد كدا نشتغل الشغل الصح باذن الله ومش هيكون هناك اى خوف او تردد او قلق فى الدخول فى المجال لاننا هنكون معاك باذن الله لحظة بلحظة وهنكون باذن الله رمانة الميزان بين الطرفين اسف لاطاله المقال لكن حبيت اوضح فكرة عمل الصفحة وما نرنو ان نصل اليه بيكم ومنكم باذن الله دومتم وفى رعاية الله مع تحيات صفحة سمان الصعيد 
✊✊✊✊✊✊✊✊✊✊✊✊✊✊✊✊✊✊✊
✊✊✊✊✊✊✊✊✊✊✊✊✊✊✊✊✊✊✊
فقس بيض السمان, تفريخ بيض السمان, بيض السمان المائدة, بيض السمان المخصب ,فوائد بيض السمان ,

ليست هناك تعليقات:

إرسال تعليق

نقدر تواجدكم ونفتخر انكم فى موقع اورجنك صعيد مصر

Ad Home