تسويق السمان - من اهم موضوعات تسويق السمان - الجزء الثالث

فيديو

فيسبوك

تسويق السمان - من اهم موضوعات تسويق السمان - الجزء الثالث

تسويق السمان  من اهم موضوعات تسويق السمان حيث يسال الكثير عن تسويق السمان فى مصر واماكن بيع السمان فى القاهرة 


بل هناك ايضا من سالنا عن تاجر السمان وهل هناك بالفعل تجار السمان فى مصر وهل هناك مواقع تتحدث عن سمان للبيع 


تابع ايضا 


والشراء تابع معانا وهتتعرف اكثر على تسويق السمان مع الجزء الثالث فى تسويق السمان موضوع مهم جداا


https://www.organicupperegypt.com/2019/07/Marketing-quailbird.html


مقدمة عن تسويق السمان الجزء الثالث من تسويق السمان فى مصر 


 اتمنا الجميع الانتباه وسيب السجارة الى  فى ايديك واقفل التليفزون وخليك معاى يمكن تكون ساعة حظ وربنا يفتحها عليك من وسع


 تابع معاى وعم صبرى بقا هادى اليومين دووول لانه جاب 100 كتكوت وبيجرب وبيقول هنبدا فى عد المليون امتا قلتله الحساب .

اقرا ايضا 








بسم نتوكل على الله فى تسويق السمان الجزء الثالث ودا بيخص  الناس الى عاوزه تشتغل باعداد نقول من 1000 جوز الى 3000 جوز 


هيسوق ازاى الموضوع دا ولو معرفش يسوقهم الدنيا هتخرب ويلبس فى احلى حيط واللبس فى الحيطان ممكن يجيب جلطه وسكته ويفتح راسك 



المهم يااما تروح فيها يا ربنا يستر وتعيش على امل تعوض الخسارة  بس متخفش هنخليك تسوق باذن الله


1-موضوع السمان عاوز صبر شويه وصبر مش كتير زى منتا فاكر لا بكتيره من 3 شهور الى 5 شهور فقط لاغير


 وبعدها باذن الله هيبقا ليك دخل ثابت ومحترم باذن الله من تربية السمان 


2- اقصد ياخال وياعم مينفعش تكون مدخلتش الموضوع دا وتبدا ب2000 جوز 


وانتا مش عارف سوقك ايه ولا هتسوق ازاى لتجار ولكن خليك معاى وباذن الله هتوصل للرقم دا بكتير 3 شهور وهتربى القطعان دى 


اقرا ايضا 

تربية السمان من الالف الى الياء باسهل وابسط الطرق 

حقيقة السمان الابيض بيور وهل فى موجود فى مصر ام لا ؟

فقس البيض فى السمان بشرح مبسط باذن الله

3- ادينا معاك يابو العريف لما نشوف اخرك بس ان غرقتنا هنتحسبن فيك ليل وانهارا.

 مين الى بيقول كدا انا عمك صبرى ياعم البوق لما نشوف اخرك بس الكلام المرة دى ضرب فى المليان ياعنى اقل تعويره ممكن تعدى ال50 الف

 ياخال ودى صعبة على اى واحد فى الوقت الحالى .ان شاء الله ياعم صبرى ولا هيكون فى خسارة 


باذن الله وربح على طووول بس متقطعنيش علشان اخوانا ميقلوش انى كتير الكلام ماشى ياخال .




4- طيب شوف هيا سلسلة مكمله بعضها ولو جيبت من اخر السلسله. 

مينفعش ابوس على ايد اى واحد منكم متبدا كبير لان السمان سوقه ضعيف فى الوقت الحالى 

بس ابداء واحده واحده ومدام كسبان متخفش حتى لو مكسب قليل 

ننصحك بمشاهده احدث فيديو لنا على اليوتيوب من هنا 




5- هنشمر وندخل فى الغميق المرة الى فاتت سواقنا للجيران والقرايب والمحلات الصغيرة بتاعت الفراخ 


ورحنا مراكز تانيه وعرضنا عليهم وابتداينا اولى طريق تسويق الكميات الكبيرة نسبيااا 


6- طيب لو طلعنا من محصلة كل الى فات انك قدرت اول مرة فى فترة 15 يوم انا بالغت شويه فى الرقم تسوق 500 جوز مثلا لان دا حصل معاى اول مرة .


كسبت مخسرتش كان مكسب لاكتير ولا قليل اهم حاجه كسبت وابتديت افتح لنفسى سوق فى مركزى والمراكز الى حواليا وهلما جرة .



7- هنقول اصبح ليك زبائين دائمين زى محصل معانا باذن الله هيحصل معاك لاحظ انى كل موضوعات التسويق


 مركزة شوية على الاماكن الى مفهاش سمان علشان ميجيش بتوع بحرى ويقلى احنا بندلل على السمان  الموضوع الجاى باذن الله 


شاهد ايضا من قناتنا على اليوتيوب 



تسويق السمان فى وجه بحرى ياعنى خلى البوست دا يعدى وبلاش التعليقات النارية دلوقتى .


معلهش فى اخر الموضوع اتضح ان لسا فى جزء رابع بعد منخلص اجزاء التسويق هنعمل


 موضوع خاص للتسويق بحرى وسط الحرب والمعمعه.


8- وقفنا عند اصبح ليك زباين ممكن تاخد منك وهنضرب رقم قليل 200 جوز. 


مثلا المرة التانية ربيت 700 جوز مثلا فى منهم باذن الله 200 متسوقين فى خلال ايام هيكونوا متباعين. 


شوف ياخال هيظهر ليك محلات فراخ كبيرة شويه ابتدت تعمل سوق للسمان هيحتاج منك ب100جوز وال50 جوز اسبوعيا




 بس هيعوز تقلله فى السعر شويه مفيش مشاكل هتركز على المحلات دى شويه  خلى اخر سعرك معاه 17 للجوز


 واثبت على اقل سعر دا واوعى تنزل عن كدا لان لو نزلت عن كدا هيبتدى ضرب السمان وسوق السمان. هتقول  طيب ممكن غيرى يبيع  باقل من كدا .


9- اقلك غيرك مش هيقدر لانه شارى كتكوت غالى وحصل معاه نافق كتير ولو نزل فى السعر 

هتبداء الدنيا تبوظ معاه الكلام دا فى الصعيد بس ياخال صبرى بتوع بحرى يستكنو شويه ومفيش حد عنده قطعان امهات كبيرة 


لحد دلوقتى ظهر فى السوق غيرنا والحمد لله متقلقش لسا الصعيد هياخد وقت لحد ميبتدى ضرب السعر وساعت ضرب السعر متخفش هيكون 


اشتهر السمان وهيكون عندك قطيع وامهات وغيره فمش هتفرق معاك لان عندك كذا دخل من السمان .


10 -ياخال باعنا قول كدا 200 جوز كمان لسا فاضل 300 هنفرش بيهم فى الشارع .لا ياخال  اصبر وخليك معاى للاخر 




11- فاضل معانا طريقين اهم طريق فيهم هيبقا ليه موضوع خاص المنشور القادم لانه طريق كبير شويه 


ولانى حاسس الموضوع كبر المرة دى مش عاوز احبابنا يملوا منا المرة دى علشان ميشتموش علينا اخر البوست .


12- فاضل طريق وممكن يسحب منك كميات بالهبل طريق 

محلات المجمدات والبقاله الى فيها ثلاجات هتتصرف وهتعمل 

لنفسك باتش  للدبح وانتا عارف الباقى.


وهتروح تعرض للمحلات انك تديه سمان مدبوح وجاهز مثلا من 

23 ال 25 للجوز 


وهوا يبيعه 30  وتدبح ليه مثلا 5 اجواز وتغلف وتحط الورقه الى 

قلنا عليها علشان ( الى بالى بالك) المحل هيبيع السمان المدبوح 

زى الصاروخ 


لانه مش موجود وناس بتسال عليه وتقوله يعمل يافته متكوب 

عليها لدينا سمان مدبوح طازج هتشتغل معاك صاروخ الفكرة دى 

وجرب وادعيلى .


على فكرة انا مبفرضش على اى حد اى فكرة انا بعدد لك الافكار  

الفكرة الى تريحك وتعرف تشتغل بيها 


كمل فيها وكل الطرق تؤدى الى روما واهل مكة ادرى بشعابها 



الموضوع هيتعرض على موقعكم الجديد اورجانيك صعيد مصر 

لان الموضوعات كدا اصبحت 

(ملموه وسهل الوصول ليها)  لان فى موضوعات تانية كتير 

هنتكلم فيها مش هينفع تجيب صفحة الفيس من اولها لاخرها 


علشان موضوع اما داخل الموقع فى لحظة تقدر توصل لاى 

موضوع داخل اى قسم من الاقسام مش هنقول زى كل مرة


 التفاعل النارى مع الموضوع اشكركم ولنا لقاء مع الجزء الرابع

 فى تسويق السمان  دومتم وفى رعايه الله مع تحيات موقع اورجانيك صعيد مصر  وصفحة سمان الصعيد 

تسويق السمان , تسويق السمان, بابسط الطرق بيع وشراء السمان, اسهل الطرق فى تسويق السمان, سمان للبيع والشراء, افكار تسويق السمان ,هتسوق السمان بابسط الافكار, بيع السمان سمان مدبوح للبيع ,

ليست هناك تعليقات:

إرسال تعليق

نقدر تواجدكم ونفتخر انكم فى موقع اورجنك صعيد مصر

Ad Home