تسويق السمان الجزء الخامس والاخير باذن الله للاعداد الكبيرة والقطعان فى السمان

فيديو

فيسبوك

تسويق السمان الجزء الخامس والاخير باذن الله للاعداد الكبيرة والقطعان فى السمان

تسويق السمان الجزء الخامس والاخير باذن الله للاعداد الكبيرة والقطعان فى السمان 

بسم الله توكلنا على الله تكلمنا فى الجزء الرابع عن بداية تسويق الاعداد الكبيرة للسمان فى ناس رحبت بكلمنا وفى نااس شككت وفى ناااس قعدت تشيل فينا وتهبد يالله ربنا يسامح الى هبد والى مهبدش والى لسا هيبد فينا باذن الله مسامحين الجميع ان شاء الله 
https://www.organicupperegypt.com/2019/07/Marketingofquail-5.html

🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲

احنا حبينا نعدد افكار التسويق وكبرنا الموضوع من موضوع واحد منفصل الى ال5 اجزاء علشان يبقا معا المسوق افكار كتير الى يقدر يشتغل فيها يتوكل على الله احنا مش فرض عليك تسوق بكل الطرق الى اتكلمنا عليه براحتك اختار الى يناسبك ويناسب منطقتك 

🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲

1-  طيب ايه جديد تانى فى التسويق اقلك فى  انا اخر منشور عرضته ان فى مطعم عارض سعر فرد السمان المحشى او المحمر ب40ج للفرد  ياعنى اسعار فوق الخيال غير كدا صاحب المطعم دامش مجنون علشان يحط سعر زى دا وخلاص هوا عارف السعر وعارف الى هيقدر السعر وعنده كمان الى هيشترى بالسعر دا امال طيب الفكرة فى ايه  الفكرة لو جينا فى فلسفة السمان يتضح انه اعلى من الحمام فى السعر وفى حجم اللحم لكن احنا هبدين امو فى الارض وبنبيعه بثمن بخس علشان ابو مين عاوز يصعد على التانى علشان هوا يعيش والباقى فى داهيه دى قوانين اليوم  فى الحياه البقاء للاقوياء والغلابة فى ستين داهيه ياخونا يامربين ياكبار فى السمان خلينا ناكل عيش يقلك انتا بتكلمنى انا طيب هموتلك سعر السمان فى الارض واخليه 13.5 سعر الجوز يا ولاد حرام الى بتعملوه دا يقلك وانا مالى يالله لينا كلنا باذن الله رب اسمه الكريم وانه ذى القوى المتين الرزاق المبين 

🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲

2- ياخال احنا مش قلناك بلاش كتر كلام وبلاش هبد ياخال الناس مش عاوزه كتر الرغى يا خال الناس عاوز المفيد والمضمون على طووول معلهش ياعم صبرى الكملتين دووول كانوا محشروين فى زورى من كتر الكلام الى شفته على الصفحة والجروبات اليومين الى فاتوا خلاص هندخل فى صلب الموضوع على طووول 

🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲

3- شوف فى صالات افراح فى منطقتك حاليا الصالات دى متوفرة فى كل مكان متوفرة حتى فى القرى رووح لصاحب الصالة وممكن يكون قريبك او صاحبك دردش معاه ان يقدم وجبة للناس الى بتكون حاجزة وجبات فى الافراح وجبة يكون فيها سمان وانك هتديه ليه من 17 و18 و19 و20 الجوز براحتك اختار الرقم الى يناسبك وهوا يحسبوا على العريس براحته ب23 و2 و27 براحته  قله دا عرض اعرضه على  اصحاب الافراح وليك نسبه معانا وهتستفاد من كل النواحى لو فرح واحد بس وافق هتبقا موضه وتقليعه فى كل الافراح كل الصالات والافراح هتبقا سمان بس تخيل الصاله ممكن تاخد منك كام جوز  والصاله فيها كام فرح فى صالات فيها فرح كل يوم لو 5 افراح بس فى الشهر فى 250 جوز بس شوف هيتطلب منك قد ايه متستبعدش الفكرة ومتستغربش الفكرة كل الى هتعمله دردشة وفضفه على الماشى وخلاص وافق وجابلك زباين مرحبا نشوف غيره وغيره هلبت ولابد هتوقع فى واحد و2 و3 ودى ارازق موقوفه ومرتبطه على السعى (اسعى ياعبد وانا اسعى معاك - ليك رزق هتاخده بس متوقف على خطوه السعى ولكل مجتهد نصيب

🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲

4- ودى اخر حاجه فى التسويق وهيا النت والفيس بوك بالاخص متنساش احنا اتعرفنا على بعض عن طريق النت واقتنعت بكلامى لانك حسيت بالصدق نفس القصة كل الى هيبقا معاه اعداد كبيرة طبعا موضوع النت خليه اخر المطاف وضيفه من ضمن حساباتك لانه هوا الاهم لو عرفت تستخدمة صح لازم الوضوح والشفافيه التامة ودى هنعمل عنها بوست ازاى تقنع الى قدامك بالصح والى قدامك باذن الله هيقتنع بكلامك 100% ومعلومة حية وحقيقه وفعالة واحنا برضه هنساعدك بكل الى نقدر عليه فى طرح الى عندك وادينا حطينا موضوعات كتير هتفيديك حتى ولو بالاقل فى تربية السمان والتسويق بكل حذافيرة احنا همتنا عملنا ليك ولغيرك اخى مرجع كامل وشامل لتسويق السمان عبر  5 ابحار من العلم والمعرفة 5 موضوعات دسمة وقيمة باذن الله فى تسويق السمان

🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲

قريب جداااا باذن الله هنعمل بوست تفصيلى ازاى تعرض سلعت السمان بالاسلوب الحقيقى والذى يمنع الشك والريبه واحنا عند متوصل للمرحلة دى باذن الله هنكون موجودين معاكم ولو رست الامور نتدخل بين البائع والمشترى لضمان حقوق الاتنين باذن الله 

🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲

اتمنا اكون طفت بيكم فى كل بستان وقطفنا من كل بستان زهرة بستان عالى تسويق السمان اتمنا اكون عند حسن ظنكم لو عاوز تقدر جهودنا معاك كل الى هطلبه من حضرتك زى كل مرة ان المنشور يلف النت من تفاعل ومشاركه مع اصحابك مع حبايبك علق باى حاجة اعجاب خليك ايجابى متكنش سلبى شارك معانا باى شىء علشان تدعمنا فى الاستمراريه والبقاء على فكرة لسا موضوعات السمان مخلصتش لسا ياما فى الجراب ياحاوى دومتم وفى رعايه الله مع تحيات موقع اورجانيك  صعيد مصر  وصفحة سمان الصعيد  اشكركم وفى امان الله
https://www.organicupperegypt.com
https://www.facebook.com/smanassuit

🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲
سمان الصعيد, تسويق السمان, تسويق السمان, بابسط الطرق, ازاى تسوق السمان , السمان وطرق بيعه, عاوز اسوق السمان 

ليست هناك تعليقات:

إرسال تعليق

نقدر تواجدكم ونفتخر انكم فى موقع اورجنك صعيد مصر

Ad Home