تربية السمان البياض - السمان البياض وشرح كامل للتربية -متى يبيض السمان

فيديو

فيسبوك

تربية السمان البياض - السمان البياض وشرح كامل للتربية -متى يبيض السمان


متى يبض السمان اسئلة كثيرة ومهمة ماذا ياكل السمان وهل مشروع السمان ناجح 

والكثير يسال عن دراسة جدوى مشروع السمان طبعا تم الاجابة عن كل ذلك 

باستفاضة داخل الموقع واليوم نتحدث عن تربية السمان البياض بشرح وافى وكافى باذن الله


مقدمة مهمة عن تربية السمان 


نبدا على بركة الله الموضوع سهل جداااا ومفهوش اى تعقيد باذن الله فى ناااس كتير بتحب تعقد المواضيع لحاجة فى نفس يعقوب 


عاوز يسترزق يلم قرشين يضن بمعلومة لغرض ما متخدش فى بالك لينا رب اسمه الكريم اتفقنامن الاول انى غير ناقل لمعلومة 


دى معلومات من واقع تجارب حقيقية معلهش انا بركز على الكلمة دى كتير للتذكرة وعلشان محدش يقلى اصل فلان بيقول وفلان 


بيعيد تعبنا من كتر الكلام دا نتوكل على الله واخدكم على جناح السرعة الى ارض السمان البياض 

https://www.organicupperegypt.com/2019/07/Quail-farming.html


لاتنسى ان تقرا ايضا 


السمان كما يجب ان يكون


مشروع السمان مربح ام لا - هل بالفعل مشروع السمان مربح


دراسة جدوى مشروع تربية السمان 2020  دراسة جدوى مشروع تربية السمان  حقيقيه من ارض الواقع لعام 2020




1- علشان نبنى لابد من اساس  وكيف تبنى وغيرك يهدموا معلهش هنتفلسف شويه الليلة دى 



  مقصد الكلام اننا باذن الله اهم شىء انتخاب اوزان تكون عالية من السمان الى هتعمله امهات وبعد كدا من النسل الى بيطلع تاخد اوزان اعلى وتخليها امهات




 وبالطريقة دى فى خلال وقت قصير جداااا هيبقا عندك سلاله فيها  كل المواصفات الى بنبحث عنها من اوزان فوق ال300



 عند 30 يوم واعلى باذن الله بيض يومى تحمل من بروده وحرارة شديدة ........الخ




2- بعد اخيار الامهات هتربى فى بطاريات مفيش مشاكل هتربى فى ارضى كله محصل بعضه


 طيب الافضل ايه من وجهت نظرى الارضى لان البطاريات بيبقا الاعداد اكبر من الارضى 


وبيتولد حرارة اعلى للسمان من على الارض الارض بياخد راحته وياكل كمان ويمدد رجليه 



3- شوف المفروض بيبض من 36 الى 40 هنزود شويه هنقول 45 علشان الناس متزعلش


 طيب هتاكله علف 23% بروتين لحد ميبيض تمام هتستنى بعد ميبشر من 10 الى 15 يوم لحد الاخصاب يكون حقيقى وفعلى



 وتعلى نسبة الخصوبة فى البيض بعدها تتوكل على الله وتدخل الى الفقاسة بتاعتك البيض 



اقرا ايضا 




4- لو اكلت 23 % البيض هيزيد معاك ياعنى لو عندك 100 انثى 40 ذكر ب23% هيبض 90 بيضة باذن الله



 ولو 18 او 16 بروتين هيبقا البيض من 70 الى 80 بس لاحظ 23% دا تسمين هيظهر معاك بيض طرى كتير واحنا بنسمية برشت 


لو عاوز تتغلب على المشكله دى وتمشى عادى 23% هتضيف كيلو حجر جيرى مطفى او بودرة بلاط لكل 50 كيلو علف

 
5-متنساش شكارة علف 23%بروتين حاليا فى حدود 360 الى 375 ج 


شكارة 50  اما 16% 270 الى 300 فى فرق هتحسبها هتلقيها لو اكلت 16 او 18 هيا هيا النتيجة فى الاخر 



فخليك زى محنا شغالين على 16% ولو لقيت 18 % افضل طبعا
6- واحد يقول حيرتنا ياعم فين البرنامج بتاع العلاج اقلك مشكلة الشعب المصرى 


ان كل شىء عنده علاج ويجيب العلاج الغالى علشان الغالى تمنه فيه ميعرفش ان فى حاجات ببلاش وبتدى نتيجة احسن من الغالى



 واحد يقول رجعنا بقا للكلام الى ميقضيش مصلحة ياعم لخص عاوزين العلاج حاضر ياعمنا 


همشى معاك لاخر المشوار بس العلاج بتاعى مختلف شويه خليك معاى 


7-بعد البيض مباشرة هتدى جرعة كوكسديا ممعناش غيرها هى دى المرض الوحيد الى ظاهر معانا ومفيش اى حاجة تانية ظهرتلحد دلوقتى 



بفضل الله يبقا هندى عند بداية البيض جرعة كوسيديا مكثفة
 اموكس مثلا 1سم للتر مياه 24 ساعةو24 ك3 ساعةوممكن 12 ساعةاموكس و12ساعة ك3 وممكن اموكسى 


بس لمدة 3 ايام كله جربناه وكل جاب نتيجة 


8- لو على الارض الجرعة دى كل 15 يوم لو فى بطاريات كل شهر 


بس ياعم كدا مفيش حاجه تانية ياعم 


امال فين الفيتامينات والامح المعدنية ه سلينو م اد3ه وغيره وغيره ياعم مفيش حاجه تانى 


عاوز تدى ادى براحتك انتا حر لكن انا بقلك على تجربة فعليه واحنا شغالين بيها ياعم السمان مش محتاج لحاجات تانية


 دا بيختلف عن اى طائر تانى ياعم دا بيبض وبينزف علشان يعمل البيضه دى لازم نعوضه 


ياعم بقلك بياخد احتياجته من العلف نفسه وبيحوله لبيض براحتك انتا حر 


9- وهنضيف على العلف كركم وفلفل اسود مطحون 50 جرام و50 جرام لشكارة 50 كيلو  بس


 ياعمنا مفيش حاجه تانيه اه فيه  هتجيب كيس املاح معدنية ب5ج الكيلو هتضيف 100ج لكل شكارة علف بس كدا والدنيا باذن الله هتبقا معاك اخر حلاوة


هتستمر 6 شهور وممكن 8 شهور وبعدها بيقطع بيض او لقيت البيض خف 


هتعمل زى الاول هتدى علف 23% لمدة اسبوع هيرجع يبيض تانى وبعدها تغير ل16%و18% وهلما جره 


بكدا اكون وضحت حاجات اتمنا تكون بسيطة وسهلة فى الاستخدام ودا مش الزام لاى حد ولا قران منزل زى مقلنا دى تجربه واحنا شغالين بيها ومستمرين باذن الله


شاهد هذا الفيديو متى يبيض السمان وما هيا اسباب انقطاع بيض السمان 









مدام مفيش قدامى اى مرض ولا خلل ظهر عندى شغال ولكن اذا ظهر اى مرض عريب او خلل عندك اكيد طبعا 


هتعالج المرض بما يناسبة من علاج ولا هتسيب القطيع يودع اتمنا اكون وضحت ولو شىء بسيط امام اعين حضراتكم



 لو حسيت انك استفدت منى ولو شىء قليل اتمنا منك دعوه لاخوك ولجميع اخوانك المسلمين بظهر الغيب بان 



ربنا يوفقنا فى امورنا ويهدينا الى ما يحب ويرضى ومننساش طبعا التفاعل الحار والشديد مع المنشور 



من اعجاب وتعليق ومشاركه عاوزين صفحتكم تكون اكبر صفحة ومرجع فى الفيس عن طائر السمان 



ودا باذن الله مش هيتم الا بيكم دمتم وفى رعايه الله الى لقاء اخر وحديث اخر بمشيئة الله مع تحيات ادارة صفحة سمان الصعيد
 



تربية السمان ,السمان البياض, ادوية السمان البياض, بيض السمان ,خصوبة السمان ,فقس بيض السمان ,رعاية السمان البياض


ليست هناك تعليقات:

إرسال تعليق

نقدر تواجدكم ونفتخر انكم فى موقع اورجنك صعيد مصر

Ad Home