تربية السمان من الالف الى الياء باسهل وابسط الطرق

فيديو

فيسبوك

تربية السمان من الالف الى الياء باسهل وابسط الطرق

اسهل وافضل طريقة لتربية السمان من وجهت نظرى 

نظرا لكثرة طلبات الاخوة واحبابنا فى كل مكان عن افضل طريقة لتربية السمان هكتب لحضراتكم الطرق الى شغالين بيها فى التربية والمثل بيقول كل شيخ وليه طريقة الى هكتبة مش الزام لكل واحد ان عجبك طريقتى اشتعل بيها ولو معجبتكش اشتغل بغيرها حضرتك صاحب الاختيار


https://www.organicupperegypt.com/2019/07/Quail-farming_23.html

1- طريقة استقبال السمان  استقبال على 1 جرام عسل و1 جرام محلول معالجة جفاف   و1 جرام خميرة حبيبات  كلهم مع بعض لمدة 6 ساعات او 12 او 24 انا
 عن نفسى بستخدم 24 ساعة

💥💥💥💥💥💥💥💥💥💥💥💥💥💥💥💥💥💥💥💥

2- بعد كدا هتجيب اى حاجة مضادة للكوسيديا مثلا انا بجيب اموكسللين بحط 1 جرام للتر لمدة 3 ايام متواصلة   مبلزمكش باى نوع اهم حاجة يكون قوى المفعول 
ليه باستخدم مضاد كوسيديا فى الوقت دا لان اصلا الكتكوت بيخرج من البيضة حامل للكوسيديا من الام  فلازم اقضى عليها فى اول ايام علشان متاثرش على 
على الوزن معاى والكتكوت يحول بسرعة الصاروخ 

💥💥💥💥💥💥💥💥💥💥💥💥💥💥💥💥💥💥💥💥

3- بس كدا مبديش اى حاجة تانية خالص بعد كدا  فى عمر 15 يوم جرعة كوسيديا مرة تانية لمدة 3 ايام متواصلة  مبديش اى حاجة تانية خالص الى نهاية الدورة 

💥💥💥💥💥💥💥💥💥💥💥💥💥💥💥💥💥💥💥💥

4 - طيب النتيجة ايه من الطريقة دى على عمر 24 يوم بالظبط بيوصل معاك الكتكوت 190 جرام و200 جرام و210 و220 بمعنى متوسط 200 جرام 

💥💥💥💥💥💥💥💥💥💥💥💥💥💥💥💥💥💥💥💥

5- بيبض عندى فى اليوم 36 بالظبط بيظهر بشاير البيض 

💥💥💥💥💥💥💥💥💥💥💥💥💥💥💥💥💥💥💥💥

6- فى اخوة بتضيف رافع مناعة وه سلينوم واد 3 ه معرفش ازاى بيديه رافع مناعة وهوا اعلى طير فى المناعه انا عن نفسى  مبديش اى حاجة تانية غير الى كتبته 

💥💥💥💥💥💥💥💥💥💥💥💥💥💥💥💥💥💥💥💥

7-  سمان البياض بعد ظهور اول بيض  بستمر معاه برضه بعلف 23 بروتين لمدة 10 ايام وبعد كدا باكل 16 % بروتين وبديه جرعة كوكسيديا كل 20 يوم لمدة 3 ايام متواصلة 

💥💥💥💥💥💥💥💥💥💥💥💥💥💥💥💥💥💥💥💥

8- بالنسبة للعلف بستخدم فى اول 10علف 23 % بروتين وبطحنه فى المدشة   بخليه متل السن فى الدقيق او بيبقا شكل سميد البسبوسة علشان يعرف ياكله بعد كدا بياكل علف 23% بروتين عادى بدون طحن 

💥💥💥💥💥💥💥💥💥💥💥💥💥💥💥💥💥💥💥💥

9- بالنسبة للمياه هتستخدم زقايه الى بتشيل 4 لتر وبتحط اى سللك فى الدائرة بتاعتها او خرطوم شرب المتر تقريبا 5 جنية هتقص على قد قطر الزقايه وتحط  الخرطوم علشان الكتكوت فى اول 3 ايام بيغرق فى الزقايه بعد 3 ايام عادى وفى ناس بتحط فى الحافة ظلط صغير براحتك اهم حاجة الكتكوت ميغرقش منك 

💥💥💥💥💥💥💥💥💥💥💥💥💥💥💥💥💥💥💥💥

بس كدا اتمنا اكون لميت كل خيوط كلها ولضمتها فى خيط واحد لو فى اى مقص او استفسار عن شىء خاص بالتربية انا تحت امر حضراتكم وهبينه على قد تجاربى وخبرتى المتواضعه فى تربية السمان 

💥💥💥💥💥💥💥💥💥💥💥💥💥💥💥💥💥💥💥💥

اعجاب بالموضوع او عدم اعجابك دا بيدنا دفعة للا مام فى الاستمرار او تغير اخطائنا ليصبح البوستات مرجع لكل محترف او مبتدئ فى تربية السمان دومتم وفى رعاية الله  

✊✊✊✊✊✊✊✊✊✊✊✊✊✊✊✊✊✊✊

تربية السمان ,اسهل الطرق فى تربية السمان, ربى سمان, ازاى اربى سمان ,عاوز اربى سمان ,طرق تربية السمان ,

ليست هناك تعليقات:

إرسال تعليق

نقدر تواجدكم ونفتخر انكم فى موقع اورجنك صعيد مصر

Ad Home