حقيقة السمان الابيض بيور وهل فى موجود فى مصر ام لا ؟

فيديو

فيسبوك

حقيقة السمان الابيض بيور وهل فى موجود فى مصر ام لا ؟

حقيقة السمان الابيض بيور وهل فى موجود فى مصر ام لا


هحاول بطريقة بسيطة باذن الله اوضح موضوع انواع السمان وموضوع الابيض بيور دا حقيقة ولا خيال متنساش انا بتكلم عن نفسى وتجربتى الشخصية وملناش صالح بكلام اى حد تانى حط تحت الكلام دا مليون خط 
https://www.organicupperegypt.com/2019/07/Saman-WhitePure.html
1- شوف ياسيدى سمان ابيض بيور اصلى مفيش فى مصرخالص ولو فيه مشفناش ليه فى الاسواق اوزان تتخطى النص كيلو و700 جرام كمان دا للفرد مش للجوز انا عن نفسى مسمعتش ان فى تاجر عرض عنده جوز سمان كيلو او كيلو نص

 👍👍👍👍👍👍👍👍👍👍👍👍👍👍👍👍👍👍👍👍👍

2- واحد يقلى ياعم حاسب على كلامك فى دكتور او شخص ما فى مصر عمل تجارب وطلع نوع سمان بيجيب فعلا الاوزان دى اقله  احتمال حضرتك يكون كلامك صحيح لكن ليه  لم يتم منه بيع كتاكيت او سمان احجام للدبح او عمل لنفسه شركة تفريخ واحتكر سر الخلطة او سر الصنعة لنفسة اقلك كلامك صح لكن انا بتكلم عن تجربتى الشخصية انى لم يظهر معى حتى الان فرد سمان نص كيلو او 700 جرام للفرد منكرش البياض عندى فى 400 جرام للفرد و420 للفرد ماشى دا بياض وضعه مختلف شويه عن التسمين 

 👍👍👍👍👍👍👍👍👍👍👍👍👍👍👍👍👍👍👍👍👍

3- طيب امال ايه حكايةالسمان الابيض بيور الى بيتباع فى مصر على انه ابيض بيور شوف ياسيدى كل الهدف كسب زبون فقط لاغير وتسويق سلعة لكن فى فعلا سلالات ابيض هجين هو دا الى موجود فى مصر فى منه ابيض هجين عالى وفى متوسط وفى منخفض والفرق فى الاوزان الابيض هجين عالى بيوصل فعلا مع التربية السليمة وتوفير الظروف الملائمة للتربيه ل300 جرام و320 جرام فى خلال 30 يوم باذن الله 

 👍👍👍👍👍👍👍👍👍👍👍👍👍👍👍👍👍👍👍👍👍

4- وفى اسمر هجين عالى برضه وهجين متوسط وهجين منخفض نفس الفكرة الى الاسمر هجين عالى بيبقا ابوه ابيض هجين عالى وامه اسمر هجين عالى بيديك سلالاله نفس وزن الابيض هجين عالى وازيد كمان فى الوزن وهلما جره فى الاسمر هجين متوسط وهجين منخفض اكيد فهمت ماذا تعنى هذه الكلمات 

 👍👍👍👍👍👍👍👍👍👍👍👍👍👍👍👍👍👍👍👍👍

5- الاسمر العادى الافريقى بتلاقى شكله يشبه الغراب اسمر شديد السمرة ودا اوزانه مبتعديش 190 او 200 جرام عمر 30 يوم لاحظ انا بتكلم عن تجربتى فقط لاغير 

 👍👍👍👍👍👍👍👍👍👍👍👍👍👍👍👍👍👍👍👍👍

6- الدهبى نفس القصة دهبى هجين عالى وهجين متوسط وهجين منخفض العالى منه بيوصل 300 جرام قبل البيض بس بالشروط الخاصة الى اتفقنا عليها 

 👍👍👍👍👍👍👍👍👍👍👍👍👍👍👍👍👍👍👍👍👍

***** خد خلاصة الموضوع بقا وهديك هدية من عندى هتنتج معاك نوع محترم جدااا عالى فى تحويل اللحم اعلى من كل الى اتكلمنا عليه هنجيبه منين النوع دا 
شوف ياسيدى هتجيب ذكور ابيض هجين عالى وهتجيب اناث اسمر هجين عالى وتعمل تزاوج بينهم هينتج نوع جسمه بنى وصدره ابيض  النوع دا عندى اعلى وزن فى كل الموجود عندى  يالله بقا ادعليى على المعلومات لو لفت النت كله مش هتلقيها غير عندنا بس 

 👍👍👍👍👍👍👍👍👍👍👍👍👍👍👍👍👍👍👍👍👍

فى نهاية الكلام متشغلش بالك شكل الابيض هجين عالى ايه والاسمر عالى ايه واعرفهم ازاى بطريقة بسيطة جدااا عن طريق الاوزان اعلى اوزان عندك هتنتخبها وتعمل منها قطيع للبيض وتشيل كل ذكور الاسمر متخليش ولا ذكر اسمر خلى الذكور كلها ابيض هجين عالى علشان يطلع معاك النوع البنى ابيض الى قلتلك عليه ولما يطلع هتخليه بعد كدا اناث بس مع ابيض هجين عالى واحكم انتا على الجيل الجديد هتبقا مواصافته ايه بنفسك 
 👍👍👍👍👍👍👍👍👍👍👍👍👍👍👍👍👍👍👍👍👍

فى خلال الموضوع حولنا نلم بكل الموضوع من كل اطرافه فان كان من خطا فمن الشيطان وان كان من توفيق فمن الرحمن واتمنا التفاعل مع الموضوع وطرح اراء حضراتكم وطرح الموضوع للمناقشة للجميع فى انتظار تفاعل حضراتكم مع الموضوع دمتم وفى امان الله مع تحيات صفحتكم جميعا سمان الصعيد

سمان ابيض بيور, حقيقة سمان ,سمان بيور, سمان الامريكى, سمان الاسمر, اسمر سمان 

ليست هناك تعليقات:

إرسال تعليق

نقدر تواجدكم ونفتخر انكم فى موقع اورجنك صعيد مصر

Ad Home