لماذا اختار رب العزة طائر السمان لبنى اسرائيل رغم صغر حجمة

طائر السمان ومافيه من معجزات حيث يعتبر طائر السمان الطائر الوحيد الذى ذكر اكثر من مره فى القران الكريم 

بسم الله ونتوكل على الله عدنا لكم من جديد بمنشور جميل جداااا عن السمان اتمنا من الله التوفيق فى اخراج هذا المنشور باذن الله على اكمل وجه اللهم امين 

 لماذا اختار رب العزة طائر السمان لبنى اسرائيل رغم صغر حجمة

مقدمه عن طائر السمان :-

طبعا بنى اسرائيل قوم سيدنا موسى اتاهم رب العزة معجزات وهبات لم تعطى لغيرهم فى الحياة الدنيا ولكنهم كفروا بانعم الله عزة وجل .

حيث قال رب العزة بعد عبورهم الى سيناء لم يكن هناك زرع او اكل لهم وكانت ارض سيناء حارة جداااا فقال رب العزة فى كتابه الكريم

( وظللنا عليكم الغمام وانزل عليكم المن والسلوى) اغلب المفسرون اجمعوا ان طائر السلوى هوا طائر السمان وقال عنه رب العزة (أَتَسْتَبْدِلُونَ الَّذِي هُوَ أَدْنَىٰ بِالَّذِي هُوَ خَيْرٌ ۚ)

سماه رب العزة بالخير  لماذا وماهوا الخير الى فيه عن باقى الطيور ولماذا ذكره رب العزة 3 مرات فى سورة البقرة والاعراف وطه

هشوف مين بينده عليا مين انا ياعم صاحبك صبرى بتاع كل حلقة انا سايبك تتفلسف من الصبح وعملى فيها ابن كثير ودخلت على الشعرواى فاضل ايه تانى مالك انتا ومال الدين.

 انتا خليك فى شغل السمان بس مااشى ياعم صبرى بس علشان اشتغل فى حاجه مش لازم اكون فاهم هوا ايه دا الى بشتغل فيه واشتغل فيه ليه واكون ملم بكل الموضوع

 ياعنى عاوز ايه انتا اصبر عليا ياعم صبرى وسيبنى اكمل كلامى واحكم عليا فى الاخر بقلك ايه * ياااد* انتا 

انا صابر عليك كتير وصبرى صبره هينفد فيك لو متعدلتش معاى واتعدلت مع الناس الى بتكلمها حاضر ياعم صبرى سيبنى اكمل بقا كمل لما اشوف اخرك واخرك على ايدى كمل.

مميزات طائر السمان 

1- طائر السمان اصغر دورة تربية فى طيور  البيت بيدبح من وزن 170 جرام وانتا طالع وممكن من 20 يوم وانتا طالع 

2- طائر السمان اعلى طائر فى المناعة من كل الطيور التى تربى فى المنازل او المزارع 

3- طائر السمان ممكن تربيه من اول يوم الى اخر يوم بدون ادويه خالص

4-  اعلى نسبة بروتين فى لحم طائر السمان حيث 100 جرام لحم بهم 25جرام بروتين اعلى من الفراخ 100 جرام فراخ بهم 23جرام بروتين والحوم الحمراء 100 جرام بهم 22 جرام برويتن

 نسيت اقولك الفراخ البيضاء وما ادراك ما الفراخ البيضاء دواء من اول يوم الى اخر يوم اما طائر بتاعنا لو فيه نص البروتين المكتوب يكفى انه طبيعى وصحى 

وخالى من
الادوية ياعنى  ياعم صابر هتاكل اكله ومش هتشيل هم تباعيتها واثرها على صحتك 


5- لو دبحت اى طائر هتطلع ريش واجنحة وارجل وعفشة اقل حاجه ثلث وزنه لو دبحت طائر سمان مثلا وزن 240 جرام هيبقا صافى من 200 الى 210 جرام صافى 

6- طائر السمان خالى من الدهون ليس به اى دهن او شحم ودا مفيد جدااا لاصحاب امراض القلب 

7- اسهل طائر فى تنظيفه الريش بيطلع بسهوله جدا وعلى مياه فاتره من اسهل الطيور فى التنظيف 

8- الطائر الوحيد الى ممكن تكسب من وراه ربح شبه مضمون باذن الله

9- الطائر الوحيد الى يقدر اى شخص يكون بذاته وبنفسه خط انتاج كامل من بيض وكتاكيت ومحضن وسمان دبح اى طائر تانى عاوز استثمارات ضخمة جداااا

10- الطائر الوحيد الى ممكن تبداء فى مشروعه وتكسب من واراه فى وقت قريب جدااا وربحك هيكون شبه مضمون باذن الله

11-ذكر طائرالسمان شرس جدااا وقوى جدااا وممكن ان يقتل خصمه بالضربه القاضية زى المصارعة ياعنى 

12-اعلى طائر فى عدد البيض فى السنه حيث يبيض 300 بيضه فى السنة اعلى نوع فراخ يبيض 280 بيضه فى السنه تحت ظروف مثاليه اما السمان لا ظروف مثاليه ولا غيره ارميه فى الشارع وبرضه هيبيض عادى

13- لحمه جميل جداااا ومستساغ لكل الاعمار واليافه طريه والى مكنش بياكل لحمه اصبح بياكل السمان وبيشكر فيه لنفسه ولكل الناس 

14- الطائر الاقتصادى ارخص طائر بيدبح ويخليك تهيص انتا واولادك باقل التكاليف 100 جنيه تقدر تشترى من 8 الى 10 فرادى ياعنى تاكل 10 اشخاص وكل واحده بياخده واحده لوحده

15- طائر الراجل الغلبان ب20 جنية يجيب جوز ويطبخ وياكل ويهص هوا واولاده لحمة ورز وخضار

  

16- تعالى بقا لبيض السمان بيضة الفرخة  البيضا وزنها تقريبا 

60 جرام 5 بيضات سمان بيدوى الرقم دا تعالى شوف الفرق

60 جرام بيضة الفراخ بها 6جرام بروتين وبيض السمان 5 بيضات سمان بهم 4 اضعاف بروتين الفراخ 

60 جرام وزن من بيض السمان بيدوا 24جرام بروتين ياعنى كانك اكلت 100 جرام لحم فراخ بيضاء

17- فى القوة الجنسية مدام فى بروتين عالى هتزيد القوة الجنسية بالطبع بيض السمان اثره تراكمى فى القواه الجنسية ياعنى تاكل 5 بيضات كل يوم .

 خليك معاى ياعم صبرى انا مش معاك فى اى حاجه بس فى الحته دى انا معاك للصبح .

 ماااشى ياعم صبرى كمل معاى , الدنيا هتبان معاك يوم عن يوم وهتفرق معاك عن اليوم الى قبله وانتا افهم لوحدك بقا (تمام يابنى الله يفتح عليك عاوز فايدة زى دى فى كل موضوع ومش هتسمع ليا حس خالص فى اى موضوع تانى .

 امممم طيب ياعم صبرى.

18- بيض السمان الصفار اكبر من البياض وتختلف عن اى بيض تانى

19- بيض السمان فى طعمه نفس طعم الفراخ البلدى وليس به اى نوع من الزفارة هتجرب وهتشوف بنفسك

ماذا نستنتج من فوائد السمان 

طبعا كل الفوائد الى زكرتها دى كلها تجارب على الواقع لم ننقل اى حاجه من حد احنا وكلمة خير الى زكرها ربنا معناها كبير جدا 

واحنا وضحنا  جزء بسيط جداااا الى قدرنا نعرفه ونشوفه من الخير الى ربنا قال عليه لكن هتلاقى فوايد لاتعد ولاتحصى

 والعلم لسا هيكتشف اكتر واكتر من الخير الذى زكره رب العزة طبعاا فى فوايد كتير جدااااا ذكرت  للسمان على النت 

ممكن تكون صح وممكن تحتمل الخطا احنا زكرنا الى شفناه وجربناه فقط لاغير

فى نهاية الكلام 

 دى اطلاله بسيطه من شرفه صغيره على عالم واسع من الخير  مننساش التفاعل مع موقعكم الجديد اورجانيك صعيد مصر وصفحتكم سمان الصعيد   

زى مفدتك وشجعتلك على تربيه هذا الكنز شجعنى على الاستمرار فى العطاء 

اشكركم جميعا وربنا يبارك فيكم جميعا ونحن تحت خدمة اى شخص منكم فى اى وقت واى حين

 ولا نبخل باذن الله باى معلومة نعرفها او عندنا اى خلفيه عنها دومتم وفى رعايه الله مع تحيات ادارة صفحتكم صفحة سمان الصعيد 

سمان الصعيد ,تربية السمان, لحم السمان ,بيض السمان ,فوائد لحم ,السمان فوائد بيض السمان, بيض السمان والجنس, بروتين لحم السمان ,ارخص لحم فى مصر لحم السمان, طائر الجنة, طائر السلوى, طائر بنى اسرائيل