تسويق السمان ناس كتير بتسال عن تسويق السمان وهل
تسويق السمان صعب ولا سهل وهل هناك طرق سهله فى
تسويق السمان
مقدمه لتسويق السمان
بسم الله نتوكل على الله عمنا صبرى معانا الليلة مستنى الكلام داااا
من اول ما اعلانا عن المنشور
وبيقول الليلة ليلتك لو عجبنى الكلام هكمل وهعملك فرح وهليله
على الفيس لو لم يعجبنى هفضحك واقول الراجل دا نصاب
ماشى ياعم صبرى اتمنا ربنا سبحانه وتعالى يوفقنا ويبيض وشنا
معاك ومع كل احبابنا
الى منتظرين هذا الموضوع على قدم وساق نتوكل على الله ونبدا
على بركة الله
تسويق السمان فى الصعيد
1- شوف ياعم صبرى انا من مركز اسمه البدارى محافظة اسيوط
قبل مااشتغل
المثلج وكان بيجى كل فترات متباعدة كل سنة مرة كل
سنتين مرة وغير كدا
والطعم والعياذ بالله طعم المثلج لا يطاق لانه بالتاكيد ليه اكثر من
سنة واتنين فى الثلاجات المهم
الكتكوت واربى كمية
صغيرة 500 او 1000 كتكوت واجرب واخش فى هذا الموضوع
اقرا من هنا موضوعات هتفيديك فى تربية السمان
واشوف الدنيا ايه لم اجد اى احد عندنا فى نطاق الصعيد عنده
كتاكيت نهائيا مفيش قدامى
غير بحرى لقيت واحد فى المنصورة هينزل بخط سير لسوهاج
تسويق السمان فى بحرى مصر
حجزت معاه قلى ابعتلى فلووس لمصداقيه غامرت وبعتله 1000 ج مقدما وجه يوم استلام الكتكوت وكانت المفاجئة
3- صحبنا نزل فعلا خط الصعيد ولكن نزل الكتاكيت فى شهر 1
فى عربية غير مجهزة
مات الى مات منه كلمنى قلى تعالى خد الكتاكيت من بنى سويف.
ياعنى هدفع ثمن الكتاكيت مرة تانى وهيمتوا اكيد وانا جايبهم
طبعا رفضت والشخص دا
حولى تانى يوم 1000 ولكن لم تهدا الفكرة بداخلى ابدااا
تربية السمان افضل من تربية الفراخ
4- طيب ايه الى خلالنى اتجه للسمان فى الاساس انا اشتغلت فى
الفراخ البيضة وكسبت
والحمد لله ومخسترش واشتغلت دورة كلها بالاعشاب ونجحت .
يبقا هكتبلكم الموضوع فى بوست خاص بجميع تفاصيل الدورة
باذن الله المهم كسبت
ولكن مش معنى كسبت فى الفراخ دورة هكسب على طوول
فكان لازم افكر فى حاجه يكون لو خسرت تكون الخسارة قليلة
5- قريت كتير عن السمان عجبنتى الفكرة وعقدت النية على التفيذ
وقلت العبد فى التفكير والرب فى التدبير
وان خسرت هتبقا خسارة قليلة فعزمت وتوكلت على الله
6- جبت فقاسة مستعملة وبيض وابتديت اول دورة كان لازم
يكون عندى قطيع بياض علشان مفيش كتاكيت عندنا فى الصعيد
تربية السمان البياض
7- المهم فرزت القطيع كان معاى حدود 600 جوز ركز معاى من هنا ابيع فين وازاى
600 جوز عدد كبير جدااا وهتوزعه فين فى بلد متعرفش حاجه
عن السمان خالص
7- شوف ياعم صبرى سوقتهم ازاى ابتدايت اعرض على
القرايب فى سمان مواصافته
كذا وكذا وسعره رخيص كنا بنبيع الجوز 25 جنية ولازلنا برضه
على نفس السعر
تسويق السمان سهل
8- لاحظت فى اقبال شديد والى بياخد مرة اصبح زبون ثابت
وبيجيب واحد واتنين و3
تمام اعتبر انى وزعت نصهم بالطريقة دى حتى لو قعد عندى
سمان
السمان كسبان كسبان لانك بتبيع بسعر عالى طيب الناس لابد بعد فترة هيحصل حاجه اسمها اكتفاء ذاتى
ياعنى شبعت من السمان دى دورة وربنا وفقنا فى بيعها طيب الدورات الى بعد كدا هنعمل ايه
9- تمام معاك ياعم صبرى اول شىء احفظه معاى هتعرض على
جيرانك وقرايبك
وكدا.... ياخال انا مش هعرض على حد وهرخص نفسى لليسوى
او ميسوش.......
اقرا ايضا
اهم طرق تسويق السمان فى مصر
بس لكل حاجه ضريبه
هتبيع للناس والمعارف والقاريب هجيبلك مكسب عالى متقلقش
هتشتغل على كله متقلقش
10 -شوف ياسيدى الطريقة دى مجربة وناجحة بنسبة هنقول
90% بلاش 100%
دلوقتى فى عندك محلات بيتبيع فراخ فى كل مكان
طيب هتروح لكل محل وتقله عندى سمان هديك الجوز ب20ج
وانتا بيع براحتك عندنا
بيبعوه ب30 و27 كل واحد براحته
ومتخدش منه فلوس بمعنى هتديه 5 اجوازسمان مثلا وتقله لما
تبيعهم حاسبنى عليهم اقل
مركز فيه على الاقل اكثر من 10 محلات بتبيع فراخ
لو هيطلب منك كل محل منهم 5 اجواز هتبيع 50 جوز هما
هيطلبوا كثر من كدا
فى الى بيطلب 20و10و30 احنا اقل حاجه 5 اجواز فى 10
محلات 50 جوز ياعنى 300 جوز
الى اتكلمنا عليهم المرة الى فاتت مش هياخدوا منك ازيد من
اسبوع وربحك عالى برضه لاحظ كل الكلام على وجه قبلى
خلى بتوع بحرى يستنوا عليا فى تعليقاتهم الناريه لما اكتب
البوست بتاعهم باذن الله......
تسويق السمان فى المراكز
11- طريقة فى مراكز حوليك اقل شىء من4 الى 5 مراكزهتعمل
زى معملت المرة الى فاتت وهتعرض على المحلات احنا عملنا
كدا
والطلب كل يوم بيزيد عن قبله لحد حاليا ولله الحمد البيض محجوز
والكتاكيت محجوزة
والى هتكبره ويبقا سمان للدبح محجوز لكن احنا خدنا المشوار
خطوة خطوة والى عاوز يشتغل هيعمل كدا متبداءش على كبير
فى السمان اكبر مع السمان كل ميكبر معاك السوق
12- ياخال وياعم لو لقيت اخر الشهر 1000 او 2000 بس فى
بداية مشوارك ودايمه وشبه مضمونه احسن مليون فى 100 من
الفراخ
انا عن نفسى كل الى اعرفهم شغالين فى الفراخ متداين وفى منهم
كتير فى السجون متلقحين وفى منهم كتير بيشحتوا وبيقولوا لله يا
محسنين
بكلمكم بجد وقدام عينيكم كل شىء واضه وظاهر انا مش جاى
من كوكب تانى ولا جاى من اوربااا
13- طيب مش عاجبك حوار بيع لمركزك او للمراكز الى حواليك
اقلك مفيش مشاكل خش على الكبير
تسويق السمان فى المحافظات
روح لمحافظة بتاعتك فى محلات كتير فراخ ممكن تلقى عندهم
سمان اعرض عليهم
هياخدوا منك متقلقش لانه مش متوفر فى الصعيد خالص
وصعب الحصول عليه بس هياخد منك ب18 و17 مفيش مشاكل
لانك تقدر فى
المحافظة باذن الله هتبيع مالايقل من 150الى 250 جوز سمان فى
اليوم
وعن تجربة متخدش سمان معاك ولا عربية لف لفة واسال وكل
واحد عاوز هتقله على الوزن ونوع السمان
وتكتبهم فى ورقة وتتفق معاهم وتانى يوم توديلهم وهيبقوا معاك
زباين دائمين
14- الخلاصة ياخال مش هتوصل انك تبيع 1000 جوز
ولا2000 جوز مرة واحده فى
السمان اديك شغال وهتزيد واحده واحده وكل متزيد ربحك هيزيد
اكثر
خلاصة القول فى تربية وتسويق السمان
دى خلاصة تجارب قد ايه ياعمنا 7شهور فقط لاغير فى السمان
هيبقا معاك زباين دائمين ولو ربنا كسبك 5الاف فى الشهر
ثابته ودايمه نعمه وفضل جمب شغلك الخاص متسمعش كلام حد
انا قلتلك خلاصة تجربه بسيطة مرينا بيها فى 7 شهور
الى ان تصل الى كلمه كل الى عندك محجوز فى فترة بسيطة جداااا
دى تجربة شخصية من صعيد مصر وجه بحرى ليهم معاى
بوست خاص باذن الله لان بحرى السمان فى كل مكان والضرب
فى المليان
كله بيدبح فى بعضه طيب خلصت بحرى لا انا هقلك هيا
لسا هتبدىء واحنا عندنا لسا
السمان مبتداش خالص متقلقش فى فترة قليلة جداااا هيبقا ليه
هيدخل البورصه
وهيبقا ليه سعر ثابت ويبقا قولوا ساعتها واحد صعيدى كان بيحلم
بالكلام داااا السمان
مشروع حقيقى ومتسمعش كلام حد وهنكتب موضوعات تانى
وتالث
وكل موضوع هتستفاد ياعنى هتستفاد اتمنا الموضوع يلف النت
كله علشان نجمع اخوان
لينا اكثر واكثر ومحبين لهذا الخير وهذا الطائر الجميل لسا فى
جزء ثالث لتسويق السمان
كل جزء بنديك اطلاله ونبراس صغير من النور نمشى عليه كلنا
لحد منوصل لطريق النور
متنسوش التفاعل والاعجاب والتعليق والمشاركه دومتم وفى امان الله مع تحيات
ادارة موقع اورجانيك صعيد مصر - وصفحة سمان الصعيد
تسويق السمان, سمان الصعيد ,بيع وشراء السمان ,بيع بيض السمان, سمان للبيع والشراء, تسويق السمان, بطرق مبتكرة ,اسهل
طرق لتسويق السمان ,
ليست هناك تعليقات:
إرسال تعليق
نقدر تواجدكم ونفتخر انكم فى موقع اورجنك صعيد مصر