هل السمان يصاب بمرض النيوكاسل ؟

فيديو

فيسبوك

هل السمان يصاب بمرض النيوكاسل ؟

علاج النيوكاسل بطرق بسيطة جدا وتجنب من الخسائر الفادحة سواء لطائر السمان او غير السمان 

النيوكاسل والعياذ بالله مثل النار فى الهشيم اذا دخل الى اى قطيع يبقا مفيش امل غير فى الله وحده للوقايه من هذا الفتاك اللعين 
https://www.organicupperegypt.com/2019/08/Treatmentof-Newcastledisease.html

فى نااااس كتير بتقول ان السمان لايصاب بالنيوكاسل ونااااس بتقول ان النيوكاسل موجود اساسا فى خلايا السمان ولكن بصورة غير نشطه 

🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔

ياعنى من الاخر السمان بيتصاب بالنيوكاسل ولا ؟

🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔

اكيد طبعا دا طائر زيه زى اى طائر ولكن رب العزة حباه بمميزات اعلى شويه من باقى الطيور لحكمه لا يعلمها الا الله سبحانه وتعالى 

🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔

النيوكاسل بينشط فى السمان ام لا شوف اخى الكريم احنا عملنا موقع متخصص للسمان  اورجانيك صعيد مصر وصفحتنا صفحة سمان الصعيد مبتتكلمش ليل نهار الا على السمان فيهمنا نعرف انه بيتعرض للنيوكاسل ولا لا. من ناحية بيتصاب ايوه بيتصاب وبينشط النيوكاسل من الصورة الغير نشطة الى صورة نشطه والعياذ بالله وبيكشر عن انيابه ويفتك بكل ماهوا امامه.

🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔

والى مكذب كلامى انا شفت عند اخوة لينا تاثير النيوكاسل على قطيع سمان بياض فتك بيه فى ليلة وضحاها وسمعنا كتير لكن انا اتكلمت على الى شفته .

🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔

طيب ايه الاسباب ؟ الاسباب بسيطة جدا زى اى طائر تغير مفاجىء فى الحرارة ارتفاع الحرارة عن الازم مثل الايام الى احنا فيها تعطيش لوقت طويل الاحتباس الحرارى الاجهاد الحرارى ياعنى نفس ظروف هيا هيا الخاصة بالدواجن. بس السمان بيتحمل حرارة لحد 37 ومش هقول 40 علشان الناس متقلش انك بتهزى ولا حاجه وهوا كبير فى العمر بيتحمل الدرجات دى عادى الحرارة دى لو وصلت عند اى قطيع تسمين او امهات من الفراخ فى العمر الكبيراعتبر يارحمن يارحيم على العنبر لكن سمانا الى على قد ايدينا ربنا حماه شويه من الموضوع دا .

🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔

لكن ليه مظبطش الحرارة عندى واخليها فى المعقول نقول اخرك 35 للعمر الكبير ركب مروحة شفاط فى الاوضة الى فيها السمان اصرف شويه متحطهمش فى اوضه يكون سقفها منه للشمس مباشر لان الاوضه دى بتبقا فرن والعياذ بالله الجو الى بتعيش فيه مستريح هوا الجوا دا الى عاوزه السمان 

🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔

طيب زى كل مرة هبد ورزع هبد وزرع ولف ودوران وتاخدنا لام البحر وترجعنا عطشنين وليه كل دا ياعم الزفت متدخل تقول الكلمتين والسلام ولا لازم رغى رغى. 

🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔

لازم يكون فى حوار وتسلسل علشان تفهم اكثر واكثر كلنا مش زى بعض فى الفهم لازم التبسيط المهم هقولك على الوقايه انا عرفتك (بالنيوكاسل) (والاسباب والوقايه) من الاسباب هناخد (الوقايه) من بداية الامر 

🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔

السمان مناعته فوق التوب بس ممكن تتهز من التغيرات المفاجئة زى مقلنا الاحتباس الحرارى الاجهاد الحرارى هتهتز المناعة يشتغل عمك ابو خليل ويميل العدل ويخرب البيت ويخليك تقعد تبكى جنب السرير يابو خليل .

🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔🐔

الوقايه من اول يوم فى العلف هتضيف ثوم بودر او بصل بودر ولو الاتنين مفيش اى مشاكل ربع كيلو سواء دا او دا او الاتنين لكل 50 كيلو علف او تعمل خلطة الثوم والبصل والخل والليمون الى يريحك اعمله بكدا اى هزا وضعف فى المناعه حضرتك سانده وعمله خزين مناعه يسحب منه يكمل الى نقص بس الموضوع سهل جدااا ومتهيائلى مفهوش تعقيد وسلمليلى على ابو خليل مع تحيات اورجانيك صعيد مصر وادراة صفحة سمان الصعيد دومتم وفى رعايه الله


النيوكاسل العصبى النيوكاسل الفتاك النيوكاسل اللعين اعراض النيوكاسل الوقاية من النيوكاسل علاج النيوكاسل 

ليست هناك تعليقات:

إرسال تعليق

نقدر تواجدكم ونفتخر انكم فى موقع اورجنك صعيد مصر

Ad Home